Home / News / കെ.എസ്.ആർ.ടി.സി: സി.ഐ.ടി.യുവിനും ടി.ഡി.എഫിനും അംഗീകാരം

കെ.എസ്.ആർ.ടി.സി: സി.ഐ.ടി.യുവിനും ടി.ഡി.എഫിനും അംഗീകാരം

കെ.എസ്.ആർ.ടി.സിയിൽ നടന്ന ഹിതപരിശോധനയിൽ സി.ഐ.ടി.യു അനുകൂല സംഘടനായ കെ.എസ്.ആർ.ടി എംപ്ലോയീസ് അസോസിയേഷനും (കെ.എസ്.ആർ.ടി.ഇ.എ) കോൺഗ്രസ് അനുകൂല സംഘടനയായ ട്രാൻസ്‌പോർട്ട് ഡെമോക്രാറ്റിക് ഫ്രണ്ടും (ടി.ഡി.എഫും) അംഗീകാരം നേടി. 15 ശതമാനം വോട്ട് ലഭിക്കുന്ന സംഘടനകൾക്ക് അംഗീകാരം ലഭിക്കും. അഞ്ച് സംഘടനകൾ മത്സരരംഗത്തുണ്ടായിരുന്നു. 22 നാണ് വോട്ടെടുപ്പ് നടന്നത്.

18,508 വോട്ടുകൾ നേടിയ കെ.എസ്.ആർ.ടി.ഇ.എക്കാണ് പ്രഥമ സ്ഥാനം. 48.52 ശതമാനം വോട്ടാണ് അസോസിയേഷന് ലഭിച്ചത്. ടി.ഡി.എഫിന് 10,302 വോട്ട് ലഭിച്ചു. കഴിഞ്ഞതവണ 37.09 ശതമാനം വോട്ട് ലഭിച്ചത്. ഇത്തവണ 27.01 ആയി ചുരുങ്ങി. സ്വതന്ത്ര സംഘടനയായ വെൽഫെയർ അസോസിയേഷനാണ് (കെ.എസ്.ആർ.ടി.ഇ.ഡബ്ലു.എ ) ശ്രദ്ധേയമായ പ്രകടനം കാഴ്ചവച്ചത്. 6.46 ശതമാനം വോട്ട് നേടി അഞ്ചാം സ്ഥാനത്തെത്തി . കെ.എസ്.ആർ.ടി.ഇ എയ്ക്ക് ഉൾപ്പടെ എല്ലാ സംഘടനകൾക്കും വോട്ടിംഗ് ശതമാനത്തിൽ ഇടിവുണ്ടായി.

എ.ഐ.ടി.യു.സി പിന്തുണയുള്ള ട്രാൻസ്‌പോർട്ട് എംപ്ലോയീസ് യൂണിയനാണ് (കെ.എസ്.ടി.ഇ.യു) മൂന്നാം സ്ഥാനം- 9.45 ശതമാനം വോട്ട്. കഴിഞ്ഞതവണ 9.78 ശതമാനം വോട്ട് ലഭിച്ചിരുന്നു. നാലാം സ്ഥാനത്തെത്തിയ ബി.എം.എസ് പിന്തുണയുള്ള എംപ്ലോയീസ് സംഘിന് (കെ.എസ്.ടി.ഇ.എസ്) കഴിഞ്ഞതവണ 2.66 വോട്ടിംഗ് ശതമാനമുണ്ടായിരുന്നത് ഇത്തവണ 8.31 ശതമാനമാക്കാൻ കഴിഞ്ഞു.

കടപ്പാട് : കേരള കൌമുദി

Check Also

നിമിഷങ്ങൾ കൊണ്ട് കരയെ തൂത്തെറിയുന്ന സുനാമി – നിങ്ങൾ അറിയേണ്ടതെല്ലാം..

കടലിലെയും മറ്റും ജലത്തിനു് വൻതോതിൽ സ്ഥാനചലനം സംഭവിക്കുമ്പോൾ ഉടലെടുക്കുന്ന ഭീമാകാരമായ തിരകളെയാണ് സുനാമിഎന്നു വിളിയ്ക്കുന്നത്. ഭൂമികുലുക്കം, വൻതോതിലുള്ള സമുദ്രാന്തർ ചലനങ്ങൾ,  അഗ്നിപർവ്വത സ്ഫോടനം,  …

Leave a Reply