Home / News / ജീവനക്കാർ ആത്മാർഥമായി ജോലി ചെയ്താൽ കെഎസ്ആർടിസി രക്ഷപെടും: മന്ത്രി

ജീവനക്കാർ ആത്മാർഥമായി ജോലി ചെയ്താൽ കെഎസ്ആർടിസി രക്ഷപെടും: മന്ത്രി

മലപ്പുറം ∙ ജീവനക്കാർ ആത്മാർഥമായി ജോലി ചെയ്താൽത്തന്നെ കെഎസ്ആർടിസിയിലെ 50– 60 ശതമാനം പ്രതിസന്ധിയും തീരുമെന്ന് മന്ത്രി എ.കെ. ശശീന്ദ്രൻ. ജീവനക്കാർ എന്നത് കണ്ടക്ടറും ഡ്രൈവറും മാത്രമല്ല. ഓഫിസ് ജീവനക്കാരും മെക്കാനിക്കുമാരുമൊക്കെ അതിൽപ്പെടും. ബസിൽ ആളുകയറിയാലേ കെഎസ്ആർടിസിക്കു വരുമാനമുണ്ടാകൂ എന്ന് അവർക്കു തോന്നണം. സ്ഥാപനം മികച്ച രീതിയിൽ മുന്നോട്ടുകൊണ്ടുപോകാനാണ് ശ്രമം.

കെഎസ്ആർടിസി പെൻഷൻ ബാധ്യതയുടെ 50% സർക്കാർ ഏറ്റെടുത്തിട്ടുണ്ട്. മറ്റു കെഎസ്ആർടിസി സമുച്ചയങ്ങളിൽനിന്നു വ്യത്യസ്തമായി മലപ്പുറത്തേത് കെഎസ്ആർടിസി നേരിട്ടു നിർമിക്കുകയാണ്. നിർമാണം തീരുന്നതിനുമുൻപു തന്നെ കടകൾ ലേലം ചെയ്യാനാണു ശ്രമമെന്നും നഷ്ടമുണ്ടാകില്ലെന്നും മന്ത്രി പറഞ്ഞു. മലപ്പുറം ഡിപ്പോ സന്ദർശനത്തിന് എത്തിയതായിരുന്നു അദ്ദേഹം.

വാര്‍ത്ത : മലയാള മനോരമ

Check Also

നിമിഷങ്ങൾ കൊണ്ട് കരയെ തൂത്തെറിയുന്ന സുനാമി – നിങ്ങൾ അറിയേണ്ടതെല്ലാം..

കടലിലെയും മറ്റും ജലത്തിനു് വൻതോതിൽ സ്ഥാനചലനം സംഭവിക്കുമ്പോൾ ഉടലെടുക്കുന്ന ഭീമാകാരമായ തിരകളെയാണ് സുനാമിഎന്നു വിളിയ്ക്കുന്നത്. ഭൂമികുലുക്കം, വൻതോതിലുള്ള സമുദ്രാന്തർ ചലനങ്ങൾ,  അഗ്നിപർവ്വത സ്ഫോടനം,  …

Leave a Reply