Home / Stories with KSRTC / കോതമംഗലം – തിരുവനന്തപുരം സൂപ്പര്‍ എക്സ്പ്രസ്സിനെക്കുറിച്ച് എം.എല്‍.എ

കോതമംഗലം – തിരുവനന്തപുരം സൂപ്പര്‍ എക്സ്പ്രസ്സിനെക്കുറിച്ച് എം.എല്‍.എ

കോതമംഗലം – തിരുവനന്തപുരം സൂപ്പര്‍ എക്സ്പ്രസ്സിനെക്കുറിച്ച് എം.എല്‍.എ ആന്‍റണി ജോണ്‍… അദ്ദേഹത്തിന്‍റെ ഫേസ്ബുക്ക് പോസ്റ്റ്‌  ഇങ്ങനെ…

 

“കോതമംഗലം – തിരുവനന്തപുരം എക്സ്പ്രസ് ബസു വളരെ പഴക്കം ചെന്ന സർവീസ് ആയിരുന്നു.ഭരണ സിരാ കേന്ദ്രത്തിലേക്ക് അതി രാവിലെ കോതമംഗലത്തു നിന്ന് പുറപ്പെട്ടു ഏതാണ്ട് ഓഫീസ് സമയത്തോടെ തിരുവനന്തപുരത്തു എത്തി വൈകുന്നേരം അവിടെ നിന്ന് തിരിച്ചു രാത്രി ഒൻപതുമണിയോടെ ഇവിടെ തിരിച്ചെത്തിക്കൊണ്ടിരുന്ന ആ ബസ് കോതമംഗലത്തെ ജനങ്ങൾക്ക് വളരെ ഉപകാരപ്രദമായിരുന്നു.പണ്ട് പലപ്പോഴും തിരുവനന്തപുരം പോയി കൊണ്ടിരുന്നപ്പോൾ ഞാനും ആശ്രയിച്ചു കൊണ്ടിരുന്നത് ഈ സർവീസിനെ ആയിരുന്നു.

 

ഒരു കാലത്ത് റെക്കോർഡ് കളക്ഷൻ ഉണ്ടായിരുന്ന ബസ് സർവീസും ആയിരുന്നു അത്.എന്നാൽ വിവിധ കാരണങ്ങളാൽ ആ സർവീസ് സൂപ്പർ ഫാസ്റ്റ് ആയി മാറുകയും പിന്നീട് നിലച്ചു പോകുകയും ആയിരുന്നു.കഴിഞ്ഞ മൂന്ന് വര്ഷം ആയി ആ സർവീസ് നടന്നിട്ടില്ല.ഈ സർവീസിന്‍റെ ആവശ്യകത ഗതാഗത മന്ത്രി എ കെ ശശീന്ദ്രനുമായുള്ള കൂടിക്കാഴ്ചയിൽ മന്ത്രിയെ ബോധ്യപ്പെടുത്തുകയും മന്ത്രി അത് അനുഭാവ പൂർവം പരിഗണിച്ചു ഉടൻ തന്നെ ആ സർവീസ് പുനരാരംഭിക്കാൻ ഉള്ള നടപടികൾ സ്വീകരിക്കുകയും ചെയ്തു.

കഴിഞ്ഞദിവസം മുതൽ ആ സർവീസ് വീണ്ടും തുടങ്ങി.അതിനു വേണ്ട നടപടികൾ വേഗത്തിലാക്കാൻ സഹായിച്ച ബഹുമാനപെട്ട മന്ത്രിയോടും ജീവനക്കാരോടും ഉള്ള നന്ദി പ്രത്യേകം അറിയിക്കുന്നു.”

Check Also

വിലമതിക്കാനാവാത്ത സൃഷ്ടികളുമായി മിനിയേച്ചര്‍ കലാകാരന്‍മാര്‍

വാഹനങ്ങള്‍ കാണുമ്പോള്‍ കുഞ്ഞുമനസ്സില്‍ വിരിയുന്ന കൗതുകം ആയിരുന്നു ഇതിന്റെയെല്ലാം തുടക്കം. അതേ വാഹനങ്ങളുടെ മാതൃകകള്‍ കളിപ്പാട്ടങ്ങളായി വാങ്ങി ഉപയോഗിച്ച് മതിമറക്കുന്ന …

Leave a Reply