Home / News / കെ.എസ്.ആർ.ടി.സി വനിതാകണ്ടക്ടറെ അപമാനിച്ച യുവാവ് അറസ്റ്റിൽ

കെ.എസ്.ആർ.ടി.സി വനിതാകണ്ടക്ടറെ അപമാനിച്ച യുവാവ് അറസ്റ്റിൽ

കാഞ്ഞങ്ങാട്: യാത്രയ്‌ക്കിടെ കെ.എസ്.ആർ.ടി.സി ബസിലെ വനിതാകണ്ടക്ടറെ അപമാനിക്കുകയും മർദിക്കുകയും ചെയ്ത കേസിൽ പ്രതിയായ യുവാവിനെ പൊലീസ് അറസ്റ്റ് ചെയ്തു. രാജപുരം ചുള്ളിക്കര സ്വദേശിയായ സുരേഷിനെ(20)യാണ് വെള്ളരിക്കുണ്ട് സിഐ എം. സുനിൽകുമാർ അറസ്റ്റ് ചെയ്തത്.


ഞായറാഴ്ച വൈകിട്ട് പാണത്തൂർ ബസ് സ്റ്റാൻഡിനു സമീപമായിരുന്നു സംഭവം. പാണത്തൂരിൽ നിന്നും കാഞ്ഞങ്ങാട്ടേക്ക് വരികയായിരുന്ന കെ.എസ്.ആർ.ടി.സി ബസിൽ കയറിയ സുരേഷ് വനിതാകണ്ടക്ടറോട് മോശമായി പെരുമാറുകയും കൈയിൽ കടന്നുപിടിക്കുകയും ചെയ്തു. ഇതിനെ ചോദ്യം ചെയ്തപ്പോൾ കണ്ടക്ടറെ മർദിച്ചു. ഉടൻ തന്നെ മറ്റു യാത്രക്കാർ ഇയാളെ തടഞ്ഞുവയ്‌ക്കുകയും പൊലീസിൽ വിവരമറിയിക്കുകയും ചെയ്തു. പൊലീസെത്തിയാണ് സുരേഷിനെ കസ്റ്റഡിയിലെടുത്തത്.

വനിതാകണ്ടക്ടറുടെ പരാതിയിൽ കൃത്യനിർവഹണം തടസപ്പെടുത്തൽ, മർദനം, മാനഹാനി തുടങ്ങിയ വകുപ്പുകൾ ചുമത്തി സുരേഷിനെതിരെ രാജപുരം പൊലീസ് കേസ് രജിസ്റ്റർ ചെയ്തു.

 News : Kerala Kaumudi

Check Also

നിമിഷങ്ങൾ കൊണ്ട് കരയെ തൂത്തെറിയുന്ന സുനാമി – നിങ്ങൾ അറിയേണ്ടതെല്ലാം..

കടലിലെയും മറ്റും ജലത്തിനു് വൻതോതിൽ സ്ഥാനചലനം സംഭവിക്കുമ്പോൾ ഉടലെടുക്കുന്ന ഭീമാകാരമായ തിരകളെയാണ് സുനാമിഎന്നു വിളിയ്ക്കുന്നത്. ഭൂമികുലുക്കം, വൻതോതിലുള്ള സമുദ്രാന്തർ ചലനങ്ങൾ,  അഗ്നിപർവ്വത സ്ഫോടനം,  …

Leave a Reply