Home / News / കെഎസ്ആര്‍ടിസി യാത്രാനുകൂല്യം നല്‍കുന്നില്ല; വിദ്യാര്‍ത്ഥികള്‍ ദുരിതത്തില്‍

കെഎസ്ആര്‍ടിസി യാത്രാനുകൂല്യം നല്‍കുന്നില്ല; വിദ്യാര്‍ത്ഥികള്‍ ദുരിതത്തില്‍

പെരിന്തല്‍മണ്ണ: കെഎസ്ആര്‍ടിസിയെ ആശ്രയിച്ച് വളാഞ്ചേരി റൂട്ടില്‍ യാത്ര ചെയ്യുന്ന വിദ്യാര്‍ത്ഥികളുടെ ദുരിതത്തിന് ഇത്തവണയും പരിഹാരമാകുന്നില്ല. പെരിന്തല്‍മണ്ണ കെഎസ്ആര്‍ടിസി ഡിപ്പോയില്‍ നിന്നും വിദ്യാര്‍ഥികള്‍ക്ക് യാത്രാനുകൂല്യത്തിനുള്ള അപേക്ഷാ ഫോം വിതരണം തുടങ്ങിയിരുന്നു. എന്നാല്‍ ആകെ വിദ്യാര്‍ത്ഥികളുടെ പത്തിലൊന്ന് പേര്‍ക്ക് പോലും കണ്‍സഷന്‍ ലഭിച്ചില്ലെന്നാണ് പരാതി. ഇതുവരെ 300 കുട്ടികള്‍ക്ക് മാത്രമാണ് കണ്‍സഷന്‍ കാര്‍ഡുകള്‍ നല്‍കിയിട്ടുള്ളത്. പെരിന്തല്‍മണ്ണ കെഎസ്ആര്‍ടിസി ഡിപ്പോയില്‍ നിന്നും നാല്‍പ്പതിലേറെ ബസുകള്‍ സര്‍വീസ് നടത്തുന്നുണ്ടെങ്കിലും വിദ്യാര്‍ഥികള്‍ക്ക് കണ്‍സഷന്‍ നല്‍കുന്നത് രണ്ടു ബസുകളില്‍ മാത്രം.


ദേശസാല്‍ക്കരിക്കപ്പെട്ട പെരിന്തല്‍മണ്ണ-വളാഞ്ചേരി റൂട്ടില്‍ ആറ് കെഎസ്ആര്‍ടിസി ബസുകള്‍ സര്‍വീസ് നടത്തിയിരുന്നു. എന്നാല്‍ ഇവ ഓരോ ബസുകളായി പിന്‍വലിച്ച് ഇപ്പോള്‍ വെറും രണ്ടു ബസുകള്‍ മാത്രമാണ് സര്‍വീസ് നടത്തുന്നത്. പൊന്നാനിയില്‍നിന്നു പെരിന്തല്‍മണ്ണ ഡിപ്പോയിലേക്കും ആറു ഷെഡ്യൂളുകള്‍ ആരംഭിച്ചിരുന്നു. ഇതും ഇപ്പോള്‍ രണ്ടായി ചുരുങ്ങി.
ഈ റൂട്ടില്‍ കെഎസ്ആര്‍ടിസി സര്‍വീസുകള്‍ കണ്‍സഷന്‍ നല്‍കുന്നതു ചൂണ്ടിക്കാട്ടി ചില സ്വകാര്യ ബസുകള്‍ വിദ്യാര്‍ഥികളെ നാമമാത്രമായി മാത്രമാണ് ബസില്‍ കയറ്റുന്നത്. ഇത് കാരണം വിദ്യാര്‍ഥികളുടെ ദുരിതം ഈ റൂട്ടില്‍ ഇരട്ടിക്കുകയാണ്. നിര്‍ത്തിയ സര്‍വീസുകള്‍ പുനരാരംഭിച്ചാല്‍ മാത്രമേ പ്രശ്‌നത്തിന് പരിഹാരമാകൂ.

News : Janmabhoomi

Check Also

നിമിഷങ്ങൾ കൊണ്ട് കരയെ തൂത്തെറിയുന്ന സുനാമി – നിങ്ങൾ അറിയേണ്ടതെല്ലാം..

കടലിലെയും മറ്റും ജലത്തിനു് വൻതോതിൽ സ്ഥാനചലനം സംഭവിക്കുമ്പോൾ ഉടലെടുക്കുന്ന ഭീമാകാരമായ തിരകളെയാണ് സുനാമിഎന്നു വിളിയ്ക്കുന്നത്. ഭൂമികുലുക്കം, വൻതോതിലുള്ള സമുദ്രാന്തർ ചലനങ്ങൾ,  അഗ്നിപർവ്വത സ്ഫോടനം,  …

Leave a Reply